Vexodobre

Socios, novos socios

2007-10-15T08:15:00.000-07:00

Comezou o curso e con el o inicio da campaña da asociación Vexodobre na procura de novos socios. Os ideais da nosa organización botelloneira chegaron á capital Lucense, ao Parque de Rosalía, foco de nenos, adolescentes e universitarios (que constitúen o noso público obxectivo) celebrando o San Froilán. Ata alí, David, Adriana e Noemí fixeron chegar as bases de Vexodobre, coas que tres novos socios se sentiron identificados e forman xa parte da listaxe de membros.

Este é un gran paso para a organización, que se espalla xa alén das fronteiras de Compostela. A benvida dos novos socios realizarase en Santiago unha vez que a compañeira Noemí fique completamente recuperada do seu brazo dereito. Concretaremos aquí a data e hora exactas do acto.

Un saúdo.

Botellón de inicio de curso da Asociación Vexodobre

2007-09-17T07:13:00.000-07:00

Perante o comezo do curso a Asociación Vexodobre non pode ficar sen organizar un botellón de benvida a tódolos compañeiros de Xornalismo e amigos. A data será a véspera das clases, isto é, a noite do 30, no Campo da Festa. Seguiremos informando caso que sexa necesario. Velaquí o programa do acto:

00:00 Beber.
01:00 Beber máis.
02:00 Cánticos nacionais.
03:00 Anécdotas incomprensíbeis por te-la lingua aparvada.
04:00 Deus dirá.

Agardamos vervos a todos alá

A ÚLTIMA CEA...

2007-05-28T08:46:00.000-07:00

Agora xa veñen os exames e Vexodobre non fixo nin cea de fin de curso nin nada! vergoña nos tiña q dar!!
E en vista que algúns de nós temos que volver o 27 pola capital, que outros tantos son de santiago, e que a moitos non lles importaría achegarse, podiamos celebrar unha despedida por todo o grande logo do exame de audiovisual. Esta é unha proposta que se puxo sobre a mesa na multitudinaria cea no kurdo do Toural alá pola Ascensión (que aínda non rematou, pq a noria segue dando voltas).
Sen máis, un cordial saúdo e queremos lembrar tamén que aínda está pendente a cuestión das camisetas...

E agora unha proposta individual: deberíase colgar aquí o vídeo d Jorge non??

por fin!!

2007-04-11T01:21:00.000-07:00

Pois nada, isto é unha proba de que paco xa vai permitindo a entrada dos membros de vexodobre ao blog. Agora que xa podemos acceder a el, como redactora xefa que son, agardo as vosas propostas para ir actualizando isto, que o estamos olvidando.

I Asemblea Nacional de Vexodobre (Acta)

2007-04-02T14:58:00.000-07:00

ACTA DA ASEMBLEA NACIONAL CONSTITUINTE DA ORGANIZACIÓN VEXODOBRE

Asisten á Asemblea: Paco, David, Noemí, María, Santi.

PUNTO 1: Contrasinal
David, Noemí, María e Santi fan fincapé na necesidade de que todos os membors de Vexodobre dispoñan do contrasinal do blog da asociación co obxectivo de escribir nel. Paco alega que o contrasinal do blog da asociación coincide co do seu persoal, polo cal non o considera axeitado. Sométese á votación:
A favor: 4
En contra: 1
Apróbase a moción.
PUNTO 2: Nome do campillo.
Debátese sobre o cambio de nome do campillo para acadar a galeguización patronímica desta importante área da cidade. As propostas son Campo da Festa, Centro de Esparcemento Xuvenil do Compañeiro Moncho Reboiras e Fogar dos Rumorosos. Sométese a votación. Campo da Festa resulta elixido e só hai un voto a favor da segunda opción, sen ningún a prol de Fogar dos Rumorosos.
PUNTO 3: Nome do puntillo.
Debátese o cambio de nome do estado de preembriaguez.
David propón “estar no ferro” facendo un símil de tipo futbolístico. Santi defende a opción “estar Ferrín”. A outra opción é Estado de Embriaguez Méndez Ferrín.
Votación:
Estar Ferrín: 2 votos
Estar no ferro: 1 voto
Estado de Embriaguez Méndez Ferrín: 0 votos
Abstencións: 3
PUNTO 4: Discusión sobre a normativa que a asociación debe empregar. Paco defende o dereito de binormismo.
Abstencións:1
Binormismo: 4
RAG: 1
AGAL:0
Debe puntualizarse que ao escribir en RAG permitiranse dialectalismos (naide, etc…)
PUNTO 5: Deseño das camisolas de Vexodobre. Apróbase o deseño Pousa 100% galeguidade, e a venda por encargo.
PUNTO 6: Debátese a creación dunha publicación divulgativa de periodicidade a determinar. Santi defende o nome O sol, que fica aprobado por unanimidade.
PUNTO 7: Reparto de responsabilidades.
Para evitar unha excesiva concentración de poder en poucas mans no seo da organización disponse unha división de funcións, cara á obtención dunha asociación asemblearia e democrática. Vótanse os seguintes cargos:
Redactora Xefa: Noemí.
Director de Propaganda: David.
Relacións Públicas: Paco.
Deseño e maquetación: Santi.
PUNTO 8: Sométese a votación a admisión de María. Apróbase por unanimidade.
PUNTO 9: Sométese a votación a admisión de Adriana para a Asemblea Exterior. Apróbase por unanimidade.
PUNTO 10: Simboloxía de Vexodobre:
Reafírmanse os símbolos xa aprobados: Botella sobre a bandeira de Galiza e hinmo “Miudiño”.
PUNTO 11: Apróbase a crecaión dun Consello Permanente de Vexodobre formado polos seus cinco membros fundadores (Paco, Noemí, David, María, Santi), como máximo órgano de deliberación no seo da organización.
PUNTO 12: Sómetese a votación e apróbase a alta de Sara.
PUNTO 13: Apróbase a creación dun Consello de Memoria Histórica, co obxectivo de dilucidar se Paco se excedeu nas súas funcións e actuou de xeito despótico no pasado. O camarada Paco é o único voto en contra á medida. É fortemente recriminado polo seu traballo á fronte de Vexodobre nos primeiros tempos. María amósase como a militante máis crítica coa actuación de Paco.
Ademais determínase que Paco excedeuse nas súas funcións ao non aprobar o Botellón de Domingo que celebrou Vexodobre, e ao negarse a publicar a crónica no blog, chegando a se desfacer desta.
PUNTO 14: Creación dun Correo de Vexodobre para facilitar o contacto co exterior da organización. Apróbase. O correo será Vexodobre@hotmail.com. O contrasinal decídese na Asemblea.
PUNTO 15: María propón a creación de carnés de socio. Ofrécese a elaboralos ela mesma.

Aprobados estes puntos, dáse por finalizada a Asemblea Nacional Constituinte da Asociación Vexodobre.

Cea da Nadal (siiiii, x fin^^)

2007-02-11T10:00:00.000-08:00

En fin, a estas alturas, e xa ben entrado febreiro, o voso modesto compañeiro que escrebe estas liñas atopou tempo na sua repleta axenda de xornalista pra contar a máis ou menos como foi a velada.
Quedamos todos âs dez menos cuarto, ou así, por aló pola Praza da Galiza, pra irmos todos xuntiños a La Trattoria, o restaurante italiano onde un servidor, previsor onde os haxa, encarregara previamente mesa. Eramos sobre trinta persoas, todo moi bonito e con moi bo rollo, e tal. Cómpre dicir que case nos perdemos polo camiño, dou fe. Xa no restaurante empezamos a coller o que se ven chamando puntillo (por certo, deberiamos procurar un nome mais galego, non? Acéptanse suxeréncias). Alí tivo lugar unha exaltación do canto tradicional en forma das alegres cantigas e foliadas "We kill Boulhom" e "Non é un home, non é unha muller", acompañadas por instrumento de percusión (en concreto a mesa do restaurante). Menuda pandeiretada!
Cando á fin saimos dalí, supoño que pra alívio dos probes camareiros (anque algún ria e todo, xD), comezou o acópio de material alcólico con vistas ao seu emprego sen regulamento no Campillo (outro nome que precisa de xeito urxente ser galeguizado). Mención especial pra Ángela, que con motivo do seu cumpreanos portouse de xeito moi xeneroso nese tema, xDD).
Ben, a noite a partir daí fáiseme borrosa (xq será haha) pero lembro ben certos detalles: unha pequena gran bronca que lle botamos ao noso bo Manuel el sabe ben por qué, duas tolas cuxo nome millor non desvelaremos (weno, si, foron Charo e mais Noemi) correndo a preguntarlle a irmá dun servidor se en efeito se trataba da irmá dun servidor, e posteriormente unha peregrinación por diversos lugares da nosa ben querida Compostela, indiscutíbel capital da Galiza, xD. Peregrinación desas míticas nas que se vai perdendo xente e á fin só restan os "últimos de sempre" ou "os catro de sempre".
Non podo deixar de citar que un servidor coñeceu esa noite no Avante ao Leio (siiii, o do Magosto dos CAF). Snif, momento emocionante onde os haxa...
En fin, nada máis destacábel dunha noite que poderiamos calificar como máxica (se non fora xq ese adxectivo sempre me pareceu unha mariconadiña).
Saude.

Rexistro oficial de vexodobre

2006-12-12T12:01:00.000-08:00

Paco
David
Noemí
María
Santi

Vexodobre en acción!!!
Vejodobre em acçom!!!

Camisolas de Vexodobre

2006-12-08T14:27:00.000-08:00

Como sabedes ésta é unha vella teima da Asociación Vexodobre: contar cunhas camisolas para que os nosos integrantes poidan lucilas con honra e orgullo nos botellóns de toda a Galiza e o estranxeiro ( é dicir, do Navia para aló). A dia de hoxe existen varios deseños de posíbeis camisolas oficiais da asociación, e só agardamos chegar a un consenso para encargar a primeira tirada das nosas prendas oficiais e oficiosas. Como tal estaría ben que indicásedes comentario mediante que deseño é o que preferiades da lista que a continuación expoño, especificando normativa RAG, AGAL ou PACO. O máis ou os más demandados serán os feitos. Grazas e obrigado por adiantado.

Eu podo falar com Sócrates. (AGAL) (PACO)
Eu podo falar con Sócrates. (RAG)

Pousa 100% galeguidade

case VIRXE (RAG)
casse VIRGEM (AGAL)
casse VIRXE (PACO)

Homes Mulleres Boullón (RAG)
Homens Mulheres Boulhom (AGAL)
Homes Mulheres Boulhom (PACO)

Bebidas

Na auga fodem os peixes (AGAL) (PACO)
Na auga foden os peixes (RAG)

Vindeiro botellón

2006-12-08T10:23:00.000-08:00

Weno nenos, hai que ir matinando xa no vindeiro xoves e no que imos facer, que senón logo todo son presas e apuros a última hora. Vexodobre, como non, convoca un botellón para esa noite na Alameda, como xa é habitual. Se tedes algunha suxerencia que facer, éste é o lugar axeitado para iso. E tedes tempo deica o vindeiro xoves. Vexodobre en acción!!!
PD: E pensando xa no Macrobotellón de Nadal (MBdN) da Asociación Vexodobre xDDDDDDD.

Bem, nenos, há que ir matinando ja na vindeira quinta feira e no que imos fazer, que senom logo todo som presas e apuros a última hora. Vejodobre, como nom, convoca un botelhom para essa noitena Alameda, como ja è habitual. Se tedes algumha sugerência que fazer, este è o lugar ajeitado para isso. E tedes tempo deica a vindeira quinta feira. Vejodobre em acçom!!!
PD: E pensando ja no Macrobotelhom de Natal (MBdN) da Associaçom Vejodobre xDDDDDDD.

Análise crítica do magosto dos CAF

2006-12-04T11:46:00.000-08:00

Como xa saben os membros da Asociación Vexodobre, o pasado xoves a asociación case ao completo trasladouse ao Campus Sul de Compostela para acudir ao magosto-concerto organizado polos CAF (Comités Abertos de Facultade). A Asociación pretende pois facer un breve resumo do que foi a noite e valorar a calidade da esmorga que se montou aló.
Ben, que dicir. Se queredes a lista de grupos, neniños, xa sabedes, buscade os cartaces feitos polos CAF encol do magosto, que non é tan difícil, panda de nugalláns... Veña, vai, en serio... pois amenizaron unha grande velada O leio e O som do galpom. O leio ademais fixo ao final esa a súa inimitábel actuación de O leio i arremecaghoná que qué dicir... a primeira vez impresiona, miña nai querida. Ficará para o recordo ese grande "Jalisa ceibe, poder de Satán" ou o " me cagho na puta normativa que non me deixa conducir pola beirarrúa". Claro, tampouco se pode xulgar moi ben nada tal como iamos ás catro da mañá por aquelas latitudes.
En canto as instalacións, a carpa aguantou (que non é pouco, xD) e ninguén se esnafrou dende o escenario nin se hostiou cos soportes do teito, o cal foi un puntazo. As necesidades naturais da vexiga humana de madrugada víronse satisfactoriamente cubertas grazas ao compañeiro Duarte, que malia non ser membro integrante de Vexodobre, puxo á disposición dun servidor e demais gando os lavabos da residencia onde se deixa caer cando non está de farra ou na facultade.
Pasemos agora a falar da peña, que adoita ser o tema máis divertido cando un rememora as noites de borracheira. Un servidor lembra as cousas con bastante nitidez (o cal xa é un paso) e pode dicir que ao longo da noite viviu varios intres a esquecer, coma por exemplo ser cabalgado polo xa citado Duarte, cousa que, deixando de lado as evidentes connotacións homosexuais, pois non foi moi divertido. A xente por aló movíase por uns parámetros que ían da moderada borracheira á tajada suprema. Andrea endexamais esquecerá o manchurrón co que foi agraciada por parte dun vaso cheo dunha bebida que imos definir como "alcóholica". Noemí tivo, coma sempre, a euforia da cámara e escomezou facer fotos a case todo o que se movía polo horizonte da carpa, marquesina ou sucedaneo que fose aquilo. Santi desapareceu e deuse por perdido en combate bastante cedo, e garda celoso os detalles da súa posterior odisea. David andivo por aí repartindo sorrisos e a unha hora indeterminada evaporouse coma a brétema do mencer (que poético). E tamén andaba por aló Jorge, definindo a todo dios coma "mamalón". E como non, o noso Brad Pitt particular, Manuel, que, coma sempre, chegou cautivando os corazóns das rapazas do lugar. Que lles dará.
En conclusión pode dicirse que se ben foi un magosto-concerto-botellón etc bastante divertido, botouse en falla a presenza institucional de Manuel Outeiriño Gallego, que ten toda a pintiña de ser un crack e toda unha criatura da noite.
Saúde.

Vexodobre en acción!!!

2006-12-03T08:16:00.000-08:00

Ola rapazas e rapaces!!!
Como vedes, a Asociación Vexodobre xa dispón dun blog propio onde levar ao día todos os temas relacionados coa actividade do noso grupo sociocultural. Como xa sabedes, a Asociación Vexodobre é un grupo de rapaces e rapazas de toda Galiza que a día de hoxe viven en Compostela, onde o excelentísimo señor alcalde Sánchez Bughallo, "Nitro", decidiu, nunha reviravolta reaccionaria coma case todas as que ten nos últimos anos, atacar o dereito básico da mocidade compostelá a facer botellón nos lugares tradicional e espontaneamente habilitados para tal función.
E como tamén xa sabedes, entrar en Vexodobre é fácil e divertido. Non fai falla compartir ningún tipo de ideoloxía nin ideas determinadas cos membros, abonda con comungar coas ideas básicas de Vexodobre: o dereito de asociación botelloneira da mocidade. Vexodobre en acción!!!!

Ola rapaças e rapazes!!!
Como vedes, a Associaçom Vejodobre ja dispom dum blog próprio onde levar ao dia todos os temas relacionados com a atividade do nosso grupo sociocultural. Como ja sabedes, a Associaçom Vejodobre é um grupo de rapazes e rapaças de toda Galiza que a dia de hoje vivem em Compostela, onde o excelentísimo senhor alcalde Sanches Bughalho, "Nitro", decidiu, numha reviravolta reaccionária como casse todas as que tem nos últimos anos, atacar o direito básico da moçidade compostelana a fazer botelhom nos lugares tradicional e espontaneamente habilitados para tal funçom.
E como tamem ja sabedes, entrar em Vejodobre é fácil e divertido. Nom fai falha compartir nengum tipo de ideologia nem ideias determinadas com os membros, abonda com comungar com as ideias básicas de Vejodobre: o direito de associaçom botelhoneira da moçidade. Vejodobre em acçom!!!!